Koʻrfazning oltita davlati yagona turistik vizani joriy qiladi

Fors koʻrfazi davlatlari yagona turistik vizani joriy etishga hozirlik koʻrmoqda. Bu haqda Fors koʻrfazi arab davlatlari hamkorlik kengashi (GCC) bosh kotibi ma’lum qildi.

GCC Grand Tourist Visa deb nomlangan yangi viza chet ellik sayyohlarga bir ruxsatnoma bilan mintaqadagi oltita davlatga: BAA, Saudiya Arabistoni, Quvayt, Qatar, Bahrayn va Ummonga tashrif buyurish imkonini beradi. Al-Budaviyning soʻzlariga koʻra, tizimning ishga tushirilishi mintaqadagi mamlakatlarni bir-biriga yaqinlashtirish uchun muhim qadam boʻladi va ular oʻrtasidagi sayohatni yanada qulayroq qiladi.

Taxminlarga koʻra, mexanizm BAA va Bahrayn oʻrtasidagi allaqachon mavjud sxemaga oʻxshash tarzda ishlaydi. Bir davlatda pasport nazoratidan oʻtgan yoʻlovchilar elektron nazorat punktlari va biometrik identifikatsiyadan foydalanish tufayli boshqa davlat chegarasini tezda kesib oʻtishlari mumkin boʻladi.

Hozirda oltita davlatning tegishli idoralari va ichki ishlar vazirliklari yagona viza joriy etish ustida ishlamoqda. Biroq vizalarni rasmiylashtirishning boshlanish sanasi, ularning narxi va amal qilish muddati hali e’lon qilinmagan.

GCC mamlakati uchun yagona turistik vizani yaratish gʻoyasi 2023-yilda ma’qullangan edi. Keyinchalik tashabbus assotsiatsiya davlatlari Ichki ishlar vazirligi rahbarlari tomonidan qoʻllab-quvvatlandi va 2025-yilda BAA rasmiylari loyiha yakuniy ma’qullanganini va ishga tushirishga tayyorgarlik bosqichida ekanligini ma’lum qildi.