Toshkentdan Parkentga elektropoyezd qatnovi yoʻlga qoʻyildi

7-sentabrdan Toshkent va Parkent oʻrtasida muntazam elektr poyezdlari qatnovini boshladi. Marshrutga 586 yoʻlovchiga moʻljallangan olti vagonli EP3D poyezdi xizmat koʻrsatadi.

Sayohat vaqti taxminan 50 daqiqa. Poyezd Parkentdan 06:52 da, Toshkentdan esa 18:24 da joʻnaydi. Kattalar uchun yoʻl haqi 10 000 soʻm etib belgilangan. 10 yoshgacha boʻlgan bolalar uchun chipta 6500 soʻm turadi.

Yangi qatnovni tashkil etish uchun Baytko‘rg‘on–Parkent yo‘nalishida 24 kilometrli elektrlashtirilgan temir yo‘l qurildi. Loyiha doirasida uchta temir-beton ko‘prik, avtomobil yo‘l o‘tkazgichi, 76 ta suv o‘tkazish inshooti va 16 ta temir yo‘l kesishmasi barpo etildi.