Islom sivilizatsiyasi markazi Ginnesning rekordlar kitobiga kiritildi
Islom sivilizatsiyasi markazi islom sivilizatsiyasiga bag‘ishlangan eng yirik muzey sifatida Ginnesning rekordlar kitobiga rasman kiritildi. Tegishli qaror obyektning asosiy ko‘rsatkichlari o‘rganilgach, rekordlar tashkilotining xalqaro vakillari tomonidan qabul qilindi.
Muzey majmuasi Toshkent shahridagi tarixiy Hazrati Imom majmuasi hududida joylashgan bo‘lib, qariyb 10 gektar maydonni egallaydi. Bino o‘zining ulkan me’moriy ko‘lami bilan ajralib turadi: uning uzunligi 161 metr, kengligi 118 metrni tashkil etadi, markaziy gumbazining balandligi esa 65 metrga yetadi. Inshootning umumiy maydoni deyarli 50 ming kvadrat metr bo‘lib, aynan shu ko‘rsatkichlar unga jahon rekordi da’vosini qilish imkonini berdi.
Mazkur rekordchi maqomining berilishi majmuaning noyobligini hamda ixtisoslashgan eng yirik muzey obyektlari uchun belgilangan xalqaro mezonlarga mos kelishini tasdiqlaydi.
Tavsiya etamiz
Oʻzbekistonda 086-shakldagi tibbiy ma’lumotnomani onlayn tarzda berish joriy etildi
O‘zbekistonda elektromobillarni quvvatlash xarajatlarini qoplash rejalashtirilmoqda
Amsterdam goʻsht va benzinli avtomobillar reklamasini taqiqlaydi
Malayziya qirolichasi Radja Zarit Sofiya O‘zbekistonga tashrif buyurdi
